Wèens naor mien boom

Een mooie eeik stun laangs de kaant van de wèeg waor ik zowat 25 jaor laangs ree naor mien waark. Toen, zomaor op een dag was e vort. Ik kun het niet geleuven, keek nog ies in mien spegelie. Ja, het was èecht waor, hij was vort. De weeromwèeg he'k even stopt. Ja, èecht vort. Ik mus der wel wat over schrieven.

leefde op ’t eerste gezicht
nee, dat was het niet
maor jij, onverzettelijk,
stoer, maor ok zo mooi,
betoverde mij staodigan

aal die jaoren
gaf jij mij an
dat de lente begon
of de zummer
op zien èende leup

dank, mooie boom
ik was zo wies met je
zo slim wies