Mailverkeer met vriend op leeftied
Mailverkeer met vriend op leeftied
“as ooit mien trein het lèeste station binnenlop
gien stoom meer en ok gien spoor
alles veur mij dan aoflopen is
der niks meer is - dan bin ‘k hier klaor”
“wanneer joen trein
zien lèeste rit moet rieden
dat weej nou nog niet
onbekèend joen ankomsttied
ik zul zo geern een heule toer
nog mooie ritties saomen maoken
op het perron van dat station
joe oetzwaaien wil en kan ik niet”
“och mien wicht, dat liekt mij ja zóo mooi,
da’k nog éénmaol,
met de hoop op heul veul reisies,
een ov-jaorkaort haol”